Xəbər verdiyimiz kimi, Gəncədə "BakuBus" MMC-yə məxsus 11 nömrəli marşrut xətti ilə hərəkət edən avtobusda sürücü yaşlı sərnişindən kobud şəkildə avtobusu tərk etməsini tələb edib və yumruq zərbələri ilə hədələyib.
Gencexeber.az-a Azərbaycan Yerüstü Nəqliyyat Agentliyindən (AYNA) verilən məlumata görə, sözügedən sürücünün əmək müqaviləsinə xitam verilib.
"Görüntülərlə bağlı araşdırma aparılıb. Gəncə şəhərində 11 nömrəli müntəzəm marşrut xəttinin daşıyıcısına araşdırılma nəticəsində sürücü barədə ölçü götürülməsi barədə tapşırıq verilib. Nizamsızlıq göstərən və sərnişindaşıma qaydalarını pozan sürücü işdən azad edilib", – AYNA-dan bildirilib.
