Gəncə Dövlət Universitetinin nəzdində Regional Kollecin Ələkbər bəy Rəfibəyli küçəsində yerləşən korpusunun (keçmiş Gəncə Musiqi Kolleci) qarşısında ötən il aparılan abadlıq işləri uzunömürlü olmayıb.
Gencexeber.az-a müraciət edən sakinlərin sözlərinə görə, ötən il ərazi gül və dekorativ bitkilərlə abadlaşdırılıb, nəticədə məkanın estetik görünüşü xeyli yaxşılaşıb. Lakin bir neçə ay sonra yaşıllıqlara lazımi aqrotexniki qulluq göstərilmədiyindən bitkilər quruyub.
Bildirilib ki, cari il ərzində ərazidə yaşıllığın bərpası və yenidən abadlaşdırılması istiqamətində də hər hansı iş aparılmayıb. Hazırda ərazi baxımsız görüntüsü ilə diqqət çəkir.
Sakinlər aidiyyəti qurumlardan yaşıllıq zolağının yenidən bərpa olunmasını, bitkilərə müntəzəm qulluq göstərilməsini və ərazinin əvvəlki səliqəli görünüşünə qaytarılmasını xahiş edirlər.
