Gəncədə filologiya üzrə fəlsəfə doktoru, dosent Mehdi Rəhimov vəfat edib.
Gencexeber.az məlumat verir ki, 44 yaşlı alim bir müddət əvvəl səhhətində yaranmış ciddi problemlərlə əlaqədar Gəncə şəhərində müalicə alırdı. Həkimlərin səylərinə baxmayaraq, Mehdi Rəhimov dünən, aprelin 5-də dünyasını dəyişib.
Qeyd edək ki, Mehdi Rəhimov ölkənin tanınmış və perspektivli alimlərindən biri kimi tanınırdı. O, uzun müddət Gəncə Dövlət Universitetində fəaliyyət göstərib, İngilis dili kafedrasına rəhbərlik edib. Son illərdə isə Mingəçevir Dövlət Universitetində eyni vəzifədə çalışıb.
Mehdi müəllim yalnız savadlı alim və peşəkar pedaqoq kimi deyil, həm də tələbələrinin sevimli müəllimi, həmkarlarının etibarlı dostu və yüksək mənəvi keyfiyyətləri ilə seçilən ziyalı kimi dərin hörmət qazanmışdı.
