Redaksiyamız tərəfindən Gəncədə 3 uşaq anası Ayşən Sadıqovanı qətlə yetirməkdə şübhəli bilinən ərinin fotosu əldə olunub.
Gencexeber.az-ın məlumatına görə, Ayşən Sadıqova mart ayında yaşadıqları mənzildə 42 yaşlı həyat yoldaşı Ramin Alıyev tərəfindən stəkanla döyülüb, həmin hadisədən sonra psixoloji travma yaşayan 5 yaşlı qızının dili tutulub.
Noyabrın 7-də isə şəhərin Gülüstan qəsəbəsində, İsrafil bəy Yadigarzadə küçəsində dəhşətli hadisə baş verib. A.Sadıqova həmin gün övladını loqopeddən götürməyə gedərkən keçmiş əri tərəfindən bıçaqlanıb.
Ağır yaralanan Ayşən Sadıqova xəstəxanaya aparılarkən yolda dünyasını dəyişib.
Polis əməkdaşları tərəfindən həyata keçirilən əməliyyat-axtarış tədbirləri nəticəsində cinayəti törətməkdə şübhəli bilinən 42 yaşlı Ramin Alıyev saxlanılıb.
Hadisə ilə bağlı istintaq davam edir.
