Gəncə şəhər bərk məişət tullantıları poliqonunda abadlıq, yaşıllaşdırma və infrastrukturun təkmilləşdirilməsi istiqamətində genişmiqyaslı işlər həyata keçirilir.
Gencexeber.az bildirir ki, poliqonda 10 hektara yaxın ərazi məişət tullantılarından təmizlənib, 7 min ağac və ting əkilib. Həmçinin işçilərin istifadəsi üçün modul tipli inzibati bina inşa olunub, artezian quyusu qazılıb və 75 kubmetr tutumlu su anbarı tikilib. Ərazidə nəzarət-buraxılış məntəqəsi yaradılıb, poliqonun bütün sahəsi üzrə üfüqi planlaşdırma işləri aparılıb.
Aparılan işlərlə tanış olmaq üçün şəhər rəhbəri Niyazi Bayramov sözügedən əraziyə baxış keçirib.
Qeyd edək ki, Gəncə şəhər bərk məişət tullantıları poliqonu ötən əsrin 60-cı illərində 25 hektar ərazidə yaradılıb.
