Gəncəçayın məcrasında təmizlik aksiyası keçirilib.
Genexeber.az məlumat verir ki, Mənzil Kommunal Təsərrüfatı İstehsalat Birliyinin (MKTİB) Ərazi Xidmət Sahələrinin əməkdaşları tərəfindən Gəncəçayın məcrasında, Məmməd Bürcəliyev küçəsi ilə paralel olan hövzəsində təmizlik işləri aparılıb.
Çayın daxili hissəsində və ətrafından yığılan məişət tullantıları, ağac qırıntıları, kol-kos və alaq otları bir yerə toplanaraq ərazidən daşınması təmin edilib.
MKTİB Gəncəçayın ətrafında yaşayan və fəaliyyət göstərən sakinlərdən, iaşə obyektləri, restoran və kafe sahiblərindən bir daha xahiş edir ki, şəhərimizin təmizliyinin qorunub saxlanılmasına dəstək nümayiş etdirərək, məişət və digər tullantılarını çayın ərazisinə atmasınlar.
