Gəncə şəhər Mənzil Kommunal Təsərrüfatı İstehsalat Birliyinin (MKTİB) canlı qüvvəsi tərəfindən Gəncəçayda növbəti təmizlik aksiyası keçirilib.
Gencexeber.az bildirir ki, təmizlik işləri çayın əsasən mərkəzi hissələrində, çayın ətrafında yaşayan və fəaliyyət göstərən sakinlər tərəfindən çirkləndirilən ərazilərində təşkil olunub. Çayın məcrasından məişət tullantıları, ağac qırıntıları, kol-kos, alaq otları bir yerə yığılaraq ərazidən daşınması təmin edilib. Mövcud zibil konteynerləri boşaldılıb, ətrafında səliqə-sahman yaradılıb.
Qeyd edək ki, Gəncəçayın məcrasında aparılan təmizlik işləri artıq ənənə halını alıb və mütəmadi olaraq hər həftə təşkil olunur.
