Gəncədə ağacların yandırılması və məhv edilməsi ilə bağlı səsləndirilən iddialara münasibət bildirilib.
Gencexeber.az-a Mənzil Kommunal Təsərrüfatı İstehsalat Birliyindən (MKTİB) verilən məlumata görə, şəhərin Sidqi Ruhulla və Həmidə Məmmədquluzadə küçələrində yaşıllıq zolağına ziyan vurulması ilə bağlı bildirilib ki, qurumun tabeliyində olan Ərazi Xidmət Sahələrinin əməkdaşları həmin ərazilərdə məişət tullantılarını, alaq otlarını və xəzəli təmizləyərkən yığıb ağacların dibində yandırmayıblar.
"Küçələrdən süpürülərək yığılan tullantılar kimi, xəzəl ya ərazidən daşınır, yada təbii gübrə kimi ağacların ətrafına çürüməsi üçün tökülür. Adıçəkilən ünvanlarla yanaşı, şəhərin digər ərazilərində də, bu kimi neqativ halların məsuliyyətsiz vətəndaşlar tərəfindən artıq bir neçə dəfə törədildiyi aşkar olunub", - MKTİB-dən bildirlib.
Qurum şəhərin yaşıllıq zolağında qalaqlanan xəzəllərin vətəndaşlarımız tərəfindən yandırılmamasını tövsüyyə edib. Əlavə olunub ki, yandırılan xəzəllərdən qalxan alov ərazidə mövcud olan ağacların, kolların və güllərin məhv olmasına gətirib çıxarır: "O ki, qaldı şəhər ərazisində ağacların gövdəsinə məqsədyönlü şəkildə yanacaq və digər maddələr tökərək yaşıllıq zolağına qarşı, bu kimi vandalizm aktı törədənlər aşkar edildikcə onlar barəsində, hüquq mühazifə orqanlarına məlumat verilir".
