Gəncəli məktəbli güləş yarışında yüksək nəticə əldə edib.
Gencexeber.az məlumat verir ki, Bakıda sərbəst və yunan-Roma güləşi üzrə keçirilən "Qızıl Barsofka" turnirində gənc idmançı Mehdi Qurbanov uğur qazanıb.
26 kiloqram çəki dərəcəsində mübarizə aparan Mehdi bütün rəqiblərini üstələyərək I yerə layiq görülüb və qızıl medalla təltif edilib.
Qeyd edək ki, 2017-ci il təvəllüdlü idmançı Gəncə şəhər 23 nömrəli tam orta məktəbin 3b sinfində təhsil alır. O, şəxsi məşqçisi Rauf Xəlilovun rəhbərliyi altında məşq edir.
