Gəncə şəhərində aparılan yol təmir-tikinti işləri ilə bağlı narazılıq yaranıb.
Gencexeber.az-ın məlumatına görə, şəhərin Musa Xələfov küçəsi, 20 ünvanında asfalt örtüyünün çəkilməsi zamanı yolun bir hissəsi "unudulub". Sakinlərin iddiasına görə, çoxmənzilli yaşayış binalarını bir-birinə bağlayan yolun təxminən 20 metr hissəsinə asfalt örtüyü vurulmayıb.
Bildirilib ki, həmin ərazidə iş aparan şəxslər bu hissənin yaşayış binaları ilə birbaşa əlaqəsinin olmadığını, obyektlərin arxasına düşdüyünü əsas gətirərək asfaltlama işlərini tamamlamayıblar.
Sakinlər isə bildirirlər ki, sözügedən yol gündəlik istifadə olunur və onun yarımçıq qalması həm hərəkəti çətinləşdirir, həm də ərazidə narahatlıq yaradır.
