Gəncə şəhər Mənzil Kommunal Təsərrüfatı İstehsalat Birliyinin İşıqlandırma şöbəsi tərəfindən şəhər ərazisində köhnə plafonlar dəyişdirilir, lampalar daha müasir qənaətli, eləcə də işıqlandırma sahəsi daha geniş olan yeni led lampaları ilə əvəzlənirlər.
Gencexeber.az məlumat verir ki, ehtiyac duyulan yerlərə yeni dirəklər basdırılır, müasir gecə işıqlandırma sistemi çəkilir.
Musa Xələfov küçəsində hündürlüyü 4 metr olan 20 ədəd yeni işıqlandırma dirəyi qoyulub. Bununla belə enerji səmərəliliyini və yüksək keyfiyyətini maksimum dərəcəyə çatdırmaq üçün 6500 K (təmiz ağ rəngli) spektrdə işıq saçan, yüksək qənaətcil və uzunömürlü müasir LED (işıqlandırıcı) lampa quraşdırılıb. Həmçinin, küçədə təhlükəsizlik və vizual görüntü baxımından naqillərin tam izolyasiyasını təmin etmək məqsədilə 600 metr uzunluğunda xüsusi qoruyucu boru və eyni uzunluqda yeraltı kabel xətti çəkilib.
