Xəbər verdiyimiz kimi, Gəncə İdman Sarayında sərbəst güləş üzrə U20 yaş qrupunda ölkənin ən güclü idmançıları mübarizə aparırlar.
Gencexeber.az-ın məlumatına görə, Azərbaycan çempionatında Gəncəni təmsil edən Nizami yurdunun idmançıları fəxri kürsünün müxtəlif pillələrinə qalxmağa müvəffəq olublar.
Nailiyyət qazanan idmançılarımızı təqdim edirik:
- Camal Abbasov (61 kq, məşqçi – Vüsal Qarayev) – 1-ci yer;
- Bəşir Verdiyev (65 kq, məşqçi Faiq Xəlilov) – 1-ci yer;
- Sadiq Hüseynov (70 kq, məşqçi – Arzu Rəhimov) – 2-ci yer;
- İsmayıl Əsədli (92 kq, məşqçi – Arzu Rəhimov) – 2-ci yer;
- Cəbrayıl Verdiyev (61 kq, məşqçi – Sabuhi Məmmədov) – 3-cü yer;
- Hüseyn İsmayılov (65 kq, məşqçi – Sabuhi Məmmədov) – 3-cü yer;
- İsa Yusibov (70 kq, məşqçi – Arzu Rəhimov) – 3-cü yer.
Qeyd edək ki, Gəncə İdman Sarayında bir neçə yaş qrupu üzrə keçirilən Azərbaycan çempionatı 13 fevraladək davam edəcək.
