Şimali Makedoniyanın paytaxtı Skopyedə güləş üzrə keçirilən U20 Avropa çempionatında Gəncə təmsilçiləri uğurlu nəticələr əldə ediblər.
Gencexeber.az məlumat verir ki, sərbəst güləşçilər arasında mübarizə aparan Camal Abbasov (61 kq) Avropa çempionatının gümüş medalına sahib çıxıb. Onun şəxsi məşqçisi Vüsal Qarayevdir.
Məşqçisi Faiq Xəlilovun rəhbərliyi altında digər gəncəli güləşçi Bəşir Verdiyev (65 kq) isə yarışı bürünc medalla başa vurub. İdmançının şəxsi məşqçisi Faiq Xəlilovdur.
Qeyd edək ki, Azərbaycanın U20 sərbəst güləş millisi çempionatı 2 qızıl, 2 gümüş və 4 bürünc medalla başa vuraraq 170 xalla komanda hesabında Avropa ikincisi olub. Bununla yığma həm qazandığı medalların sayına, həm də topladığı xallara görə U20 Avropa çempionatları tarixində özünün ən yüksək nəticəsini göstərib.
