Gəncədə qazon və alaq otları biçilir.
Gencexeber.az-a Mənzil Kommunal Təsərrüfatı İstehsalat Birliyindən (MKTİB) verilən məlumata görə, mövsümün yağıntılı keçməsi səbəbindən şəhər ərazisində yol kənarlarında və səkilərdə bitən alaq otlarının qurumun Yaşıllaşdırma şöbəsinin əməkdaşları tərəfindən biçini aparılır.
Bildirilib ki, məqsəd sürücülərin və piyadaların rahat hərəkətinin təmin edilməsidir.
Bundan başqa, qurumun müvafiq şöbəsi Gəncə Memorial Kompleksinin ərazisində, şəhərin digər parklarında, xiyabanlarda və yaşıllıq zolaqlarında da qazonların biçini işlərini davam etdirir. Mövcud yaşıllıqlara aqrotexniki qulluq göstərilir, suvarılması təmin edilir.
