Gəncədə təhsil alan tələbələr debat forumunda uğur qazanıblar. Bu haqda 17 dekabr tarixində Gəncə Dövlət Universitetinə istinadən məlumat veririk.
Ölkənin 5 regionu üzrə keçirilən “Gender əsaslı zorakılıq və ayrı-seçkiliyə qarşı Debat Forumu”nun final turu keçirilib. Məqsəd gənclərin debat metodologiyası vasitəsilə gender əsaslı zorakılıq və ayrı-seçkilik barədə maariflənməsini təmin etmək, natiqlik, özünüifadə, təhlil və araşdırma bacarıqlarını inkişaf etdirmək olub.
Forumda Gəncə Dövlət Universitetinin “Tufan” komandası da iştirak edib. Təmsilçimiz “Qadınlara qarşı zorakılıq və ayrı-seçkiliyin aradan qaldırılmasında kişilərin töhfəsi əvəzedilməzdir” mövzusunda çıxış edərək, 2-ci yerə layiq görülüb. Komandanın üzvləri sertifikat və medalla təltif olunublar.
