Gəncədə universitet əməkdaşları beynəlxalq forumda iştirak ediblər. Bu haqda 20 dekabr tarixində Gəncə Dövlət Universitetinə istinadən məlumat veririk.
Tacikistanın paytaxtı Düşənbədə gənc kimyaçı alimlərin forumu keçirilib. Gəncə Dövlət Universitetinin əməkdaşları həmin forumda iştirak ediblər. Tədbirə Azərbaycan, Rusiya, Belarus, Qazaxıstan, Tacikistan və Özbəkistandan olan tədqiqatçılar qatılıblar.
“Gənc kimyaçılar məktəbi” adlı beynəlxalq konfransda kimya sahəsi üzrə elmi nailiyyətlərdən ətraflı danışılıb. Tədbirdə GDU-nun Kimya kafedrasının baş müəllimləri-Aynurə Həsənova, Sevinc Zeynalova, Anatomiya, fiziologiya və zoologiya kafedrasının müəllimi Zərifə Seyidova və universitetin Kimya-biologiya fakültəsinin tələbəsi Aytac Baqiri gənc kimyaçıların müasir texnologiyalar əsasında təcrübələrinin genişləndirilməsi və başqa məruzələrlə çıxış ediblər.
Sonda tədbir iştirakçılarına sertifikat təqdim olunub.
