Gəncə Dövlət Universitetində aparılan yoxlamaların səbəbi açıqlanıb. Bu haqda 22 may tarixində Modern.az-a istinadən xəbər veririk.
Universitetdə akkreditasiya prosesi Təhsildə Keyfiyyət Təminatı Agentliyi tərəfindən aparılır. Qəbul olunmuş dövlət təhsil standartlarına, təhsil sahəsinə aid digər normativ-hüquqi aktların tələblərinə uyğunluğu yoxlamaq üçün Təhsildə Keyfiyyət Təminatı Agentliyi tərəfindən yaradılmış komissiya tərəfindən universitetin özünütəhlil hesabatının əsasında təhlillər aparılır.
GDU qarşıdakı 5 il müddətində ali təhsil müəssisəsinin institusional akkreditasiyası üzrə qiymətləndirmə Meyarları” əsasında fəaliyyətini davam etdirməyi və mövcud fəaliyyətləri daha da təkmilləşdirməyi planlaşdırır. Yekun mərhələdə universitetin növbəti 5 il ərzində fəaliyyət göstərməsinə əsas verən Şəhadətnamə verilməsi üçün ARTEN-in “Akkreditasiya Şurası” qarşısında komissiya tərəfindən vəsatət qaldırılması gözlənilir".
