Gəncənin 6 və 20 nömrəli məktəblərin şagirdləri iştirak etdikləri idman yarışlarında uğura imza atıblar.
Gencexeber.az məlumat verir ki, Gəncə şəhəri C.Cabbarlı adına 6 nömrəli tam orta məktəbin 7b sinif şagirdi Adil Mehdizadə güləş üzrə Tovuz olimpiya idman kompleksinin açıq birinciliyində 45 kiloqram çəki dərəcəsində mübarizə aparıb. O, bütün rəqiblərini üstələyərək I yerə layiq görülüb.
Həmçinin Gəncə şəhər M.A.Abbaszadə adına 20 nömrəli tam orta məktəbin 9Ç sinif şagirdi Həsənzadə Amin SSRİ idman ustası əməkdar məşqçi Mahir Hüseynovun xatirəsinə həsr olunmuş boks üzrə yeniyetmələr arasında keçirilən açıq birinciliyə qatılıb. O, Gəncə-Daşkəsən Regional Gənclər və İdman Baş idarəsi və "Təhsil" RİM Gəncə şəhər 1 nömrəli Uşaq-Gənclər İdman Şahmat məktəbinin birgə təşkilatçılığı ilə baş tutan yarışda çıxış etdiyi 57 kiloqram çəki dərəcəsində I yerə layiq görülüb.
Bu münasibətlə hər iki yeniyetmə idmançı medal və diplomla təltif olunublar.
