Gəncədə ali təhsil ocağının tələbələri saatlardır semestr imtahanlarını verə bilmirlər.
Gencexeber.az məlumat verir ki, buna səbəb bu gün, saat 10:30 radələrində elektrik təchizatının kəsilməsidir. Sözügedən hal Azərbaycan Texnologiya Universitetində qeydə alınıb.
Əldə edilən məlumata əsasən, müxtəlif kurslarda təhsil alan tələbələr imtahanlarda iştirak etməlidir. Bəzi gənclər işığın verilmədiyindən təhsil ocağını artıq tərk ediblər.
