Gəncə sakini şəxsi münasibətlər zəminində bıçaqlanıb.
Gencexeber.az-ın məlumatına əsasən, hadisə şəhərin "Xaraba yeri" adlanan ərazisində qeydə alınıb.
1991-ci il təvəllüdlü Həsənov Cəlal Şakir oğlu bıçaqlanıb. Adıçəkilən şəxs üç bıçaq zərbəsi ilə xəstəxanaya yerləşdirilib. Yaralı əməliyyat edilib. Onun döş qəfəsinə iki və qarın nahiyəsinə bir bıçaq zərbəsi aldığı məlum olub.
İlkin məlumata görə, bıçaqlanan şəxs taksi sürücüsü olub. Hadisəyə səbəb isə tərəflər arasında borcun ödənilməsi ödənilməsi məsələsi olub.
Hadisə yerinə hüquq mühafizə orqanı əməkdaşları cəlb olunub, təfərrüatlar araşdırılır.
