Gəncənin tarixi-mədəni yerlərindən biri olan İmamzadə dini kompleksində qəbiristanlığın vəziyyəti acınacaqlıdır.
Gencexeber.az məlumat verir ki, məzarların ətrafı zibillənib, onların özünü isə yabanı otlar örtüb. Məişət və digər tullantı problemi xüsusilə qəbiristanlığın mərkəzi hissəsindən uzaq ərazilərdə aktualdır. Yerli sakinlərin sözlərinə görə, məzarlığa üz tutan şəxslər məsuliyyətsiz davranışları ilə buranı bu hala salıblar.
Aidiyyəti qurumlar tərəfindən lazımi diqqət və qayğının olmaması hörmət və anım yerinin daha da çirklənməsinə səbəb olur. Beləliklə, qəbiristanlıq tərk edilmiş əraziyə çevrilir, burada təkcə estetik görünüş pozulmur, həm də xəstəliklərin yayılmasına şərait yaradılır.
Yaranmış vəziyyət bu tarixi irsin layiqli vəziyyətdə qorunması üçün həm yerli hakimiyyət orqanlarının, həm də cəmiyyətin təcili müdaxiləsini tələb edir.
