Gəncədə qeyri-qanuni tikintisi aparılan yaşayış sahələri ilə bağlı qanunamüvafiq tədbir görülüb.
Gencexeber.az Gəncə Şəhər İcra Hakimiyyətinə istinadən məlumat verir ki, şəhərdə müvafiq icazəverici sənədləri olmadan tikinti aparan şəxslərə qarşı monitorinqlər davam edir. Bu dəfə monitorinqlər keçmiş məcburi köçkünlər üçün salınmış 1500 ailəlik yeni qəsəbənin arxa hissəsində aparılıb.
Burada dövlətə məxsus torpaq sahəsində qeyri-qanuni tikintisi aparılan yaşayış sahələri aşkarlanaraq, müvafiq tədbir görülüb və dövlət torpağının zəbtinin qarşısı alınıb.
