Gəncədə küçələrin birində su borusu partlayıb.
Gencexeber.az məlumat verir ki, kommunal qəza şəhərin Gülüstan qəsəbəsi, bina 21-in qarşısında baş verib. Sakinlərin sözlərinə görə, yeraltı xətt 3 gündür partlayıb. Nəticədə ərazini su basıb. Tikilinin önündə irihəcmli gölməçələr əmələ gəlib. Sözügedən hadisə səbəbindən məhəllədə hərəkət çətinləşib.
Bildirilib ki, məsələ ilə bağlı aidiyyəti quruma məlumat verilsə də, onların problemi aradan qaldırılmayıb. Vətəndaşlar aidiyyəti qurumlardan su xəttinin təmir olunmasını xahiş edirlər.
