Bu gün saat 14:00-da Gəncənin Nərimanov prospektində sərnişin avtobusu ilə minik avtomobilinin toqquşması nəticəsində üç nəfər xəsarət alıb.
Oxu.аz-ın əldə etdiyi məlumata görə, xəsarət alanlar 1966-cı il təvəllüdlü Ç.Babayeva, 2005-il təvəllüdlü N.İbrahimova və 1968-ci il təvəllüdlü S.Fərzəliyevadır. Onların hər üçünün avtobusda olan sərnişinlər olduğu bildirilir.
Hadisə yerinə Gəncə Şəhər Baş Polis İdarəsinin əməkdaşlarının cəlb olunduğu və sərnişinlərə köməklik göstərildiyi qeyd olunub.
15:11
Gəncə şəhərində sərnişin avtobusu qəzaya düşüb.
Unikal.аz-ın məlumatına görə, hadisə şəhərin Gülüstan qəsəbəsində baş verib. Belə ki, "İsuzu" markalı 4 saylı xətt üzrə hərəkət edən avtobusla "Mersedes" markalı minik avtomobili toqquşub.
Hadisə şahidlərinin verdiyi məlumata əsasən, qəza nəticəsində 2 nəfər xəsarət alıb. Yaralılar xəstəxanaya çatdırılıb.
Faktla bağlı araşdırma aparılır.
