Gəncədə kommunal işlərin görüldüyü küçələrin yol örtüyü bərpa edilməyib.
Gencexeber.az məlumat verir ki, sözügedən hallardan biri Ozan küçəsində müşahidə edilir. Sakinlərin sözlərinə görə, oktyabr ayının əvvəlində burada su və kanalizasiya sistemlərinin çəkilişi həyata keçirilib. Bu zaman ərazidə asfalt örtüyü dağıdılaraq qazılıb. Əfsus, işlər bitdikdən sonra yolun asfalt örtüyü bərpa edilməyib.
Oxşar hal Keçid küçəsində “Sovxoz Nizami dairəsi” adlanan ərazidən İmamzadə dini kompleksinə gedən yolda müşahidə edilir.
Hər iki ərazidə yaşayan vətəndaşlar mövcud vəziyyətdən şikayət edərək, aidiyyəti qurumlardan yolun bərpasını tələb edirlər.
