Goranboy rayonunda “Yaşıl dünya naminə həmrəylik ili” çərçivəsində “Gələcəyə nəfəs verək!” adlı ekoloji aksiya keçirilib.
Gencexeber.az məlumat verir ki, bu barədə Gəncə-Daşkəsən Regional Gənclər və İdman İdarəsi məlumat yayıb.
Aksiya regional idarənin Goranboy rayonu üzrə gənclər və idman sektoru və Goranboy Gənclər Evinin birgə təşkilatçılığı ilə keçirilib.
Goranboy Gənclər Parkının ərazisində gənclərin iştirakı ilə təşkil edilmiş aksiyada parkın ərazisi alaq otlarından, plastik tullantılardan təmizlənib və bir neçə dekorativ tipli ağaclar əkilib.
Aksiyanın keçirilməsində əsas məqsəd ətraf mühitin və təbii sərvətlərin milli dəyər kimi gələcək nəsillərə ötürülməsi, ekoloji maarifçiliyin, təbiətə humanist münasibətin təşviq olunması və gənclər arasında təbiətə olan sevgi hissinin gücləndirilməsi olub.
