Tətil günlərində milli parklar ödənişsiz çalışacaq. Bu haqda 30 dekabr tarixində Ekologiya və Təbii Sərvətlər Nazirliyinə istinadən məlumat veririk.
Dünya Azərbaycanlılarının Həmrəyliyi Günü və Yeni il bayramları ilə əlaqədar 31 dekabr – 4 yanvar tarixlərində Göygöl Milli Parkında “açıq qapı” günü keçiriləcək. Ziyarətçilər giriş haqqından azad olunacaqlar.
Qeyd edək ki, ölkə ərazisində 10 milli park fəaliyyət göstərir.
