Gəncə Olimpiya Kompeksinin təşkilatçılığı ilə 28 May - Müstəqillik Gününə həsr olunmuş yarış keçirilib. Bu haqda 30 may tarixində Regional Gənclər və İdman İdarəsinə istinadən xəbər veririk.
Basketbol idman növü üzrə oğlanlar və qızlar arasında daxili birincilik təşkil olunub. Birinciliyin keçirilməsində məqsəd dövlət müstəqilliyi haqqında idmançılara məlumat vermək, basketbol idman növünün təbliği və inkişaf etdirilməsi, idmançıların yarış təcrübələrinin artırılması, yaş qrupları üzrə yığma komandaların tərkibinin müəyyən edilməsindən ibarət olub.
Yarışın sonunda mükafata layiq yer tutan idmançılar diplom, medal, kubok və hədiyyələrlə təltif olunublar.
