Gəncənin xarici şəhərlə əlaqələrinin qurulmasına dair anlaşma imzalanıb. Bu haqda 16 may tarixində Report-a istinadən məlumat veririk.
İlham Əliyev və Belarus Prezidenti Aleksandr Lukaşenkonun iştirakı ilə görüş baş tutub. Burada “Gəncə şəhəri (Azərbaycan Respublikası) ilə Qomel şəhəri (Belarus Respublikası) arasında qardaşlaşma əlaqələrinin qurulmasına dair Anlaşma Memorandumu” bağlanıb.
Sənəd Gəncə Şəhər İcra Hakimiyyətinin başçısı Niyazi Bayramov və Qomel Şəhər İcra Komitəsinin sədri Vladimir Privalov tərəfindən imzalanıb.
Qeyd edək ki, bundan başqa, Bakı ilə Minsk və Qəbələ rayonu ilə Qrodno şəhərləri də qardaşlaşıblar.
