Gəncədə fəaliyyət göstərən şirkət barəsində protokol irəli sürülüb. Bu haqda 30 iyul tarixində Fed.az-a istinadən məlumat veririk.
“Gəncə Meyvə İdxal İxracat” MMC vergilərin, rüsumların ödənilməsi, maliyyə və sığorta qaydaları əleyhinə olan ( Məcburi auditdən yayınma) inzibati xəta üzrə cərimə oluna bilər. Şirkət barəsində irəli sürülən protokola əsasən, “Auditor xidməti haqqında” Azərbaycan Respublikasının Qanunu ilə nəzərdə tutulmuş hallarda həyata keçirilməli olan məcburi auditdən yayınmağa görə vəzifəli şəxslər 300 manatdan 600 manatadək məbləğdə, hüquqi şəxslər 1500 manatdan 2500 manatadək məbləğdə cərimə edilirlər.
İşə Bakı Şəhər Binəqədi Rayon Məhkəməsində Aygün Qurbanova hakim təyin edilib.
