Gəncəli tanınmış sərbəst güləşçi Turan Bayramov qızıl medala layiq görülüb. Bu haqda 10 dekabr tarixində Azərbaycan Güləş Federasiyasına istinadən məlumat veririk.
Sərbəst və yunan-roma güləş növləri üzrə Azərbaycan çempionatı keçirilir. Çempionatın üçüncü günündə Gəncəni təmsil edən Turan Bayramov 74 kiloqram çəki dərəcəsində qızıl medal qazanıb.
Qeyd edək ki, Bakı İdman Sarayında keçirilən yarışa dekabrın 8-i start verilib.
Turan Bayramovun nailiyyətləri:
- Kursantlar arasında keçirilən Avropa çempionatlarında 2017 və 2018-ci illərdə müvafiq olaraq bürünc və qızıl medal
- Kursantlar arasında keçirilən Dünya çempinatlarında 2017 və 2018-ci illərdə müvafiq olaraq gümüş və qızıl medal
- 2018-ci ildə gənclər arasında keçirilən çempionatda qızıl medal
- Yeniyetmələr arasında keçirilən Avropa çempionatlarında 2019 və 2021-ci illərdə qızıl medallar
- 2019-cu ildə yeniyetmələr arasında keçirilən Dünya çempionatında bürünc medal
- 2019-cu ildə 23 yaşadək güləşçilər arasında keçirilən Dünya çempionatında qızıl medal
- 2021-ci ildə Avropa çempionatında gümüş medal
