Gəncədə müəllim təltif olunub. Bu haqda 10 yanvar tarixində 1 nömrəli Uşaq-Gənclər İdman-Şahmat məktəbinə istinadən məlumat veririk.
Sözügedən məktəbin sərbəst güləş üzrə məşqçi-müəllimi Xəlilov Rauf Rəşid oğlu "İlin müəllimi" adını qazanıb. O, uşaq və gənclərin fiziki inkişafında və idmanın təbliğində səmərəli fəaliyyətinə görə Azərbaycan Respublikası Təhsil Nazirliyi tərəfindən bu ada layiq görülüb.
Qeyd edək ki, Rauf Xəlilovun yetirmələrindən Vasif Bağırov Beynəlxalq, Avropa və Dünya çempionatlarının qalibi, Məhərrəm Rzayev Avropa çempionatının qalibi olublar.
