Gəncə Dövlət Milli Dram Teatrı Beynəlxalq Teatr festivalında iştirak edir. Bu haqda 25 iyul tarixində Gəncə Dövlət Milli Dram Teatrının rəsmi səhifəsinə istinadən xəbər veririk.
Portuqaliyada "MİT III" Beynəlxalq Teatr festivalı təşkil edilib. Festival çərçivəsində teatrımızın heyəti Portuqliyanın Maia şəhərində "Kral ölür" tamaşasını təqdim edib. Səhnə işi tamaşaçılar tərəfindən rəğbətlə qarşılanıb və sonda tamaşaçılar səhnəyə qalxıb, aktyorlarla xatirə şəkilləri çəkdiriblər.
Festivalın növbəti günü - bu gün, 25 iyul tarixində Gəncə Dövlət Milli Dram Teatrı daha bir tamaşa ilə saat 21:30-da ( Bakı vaxtı ilə 00:30) Portuqaliyanın Braga şəhərində çıxış edəcək.
