Gəncədə silsilə oğurluq etməkdə şübhəli bilinən şəxs saxlanılıb. Bu haqda 20 oktyabr tarixində xəbər paylaşılıb.
Əvvəllər məhkum olunmuş Mayıl Məmmədov tutulub. Əməliyyat Kəpəz Rayon Polis İdarəsinin əməkdaşları tərəfindən keçirilib.
İlkin araşdırmalar zamanı məlum olub ki, Məmmədov evlərə qeyri-qanuni yolla daxil olub. Onun, ümumi dəyəri 9000 manat olan qızıl-zinət əşyalarını, məişət və elektrik avadanlıqlarını oğurlaması ehtimal olunur.
Saxlanılan şəxs istintaqa təhvil verilib, faktla bağlı araşdırmalar davam etdirilir.
