Gəncədə yolların, eləcə də piyada səkilərinin qardan təmizlənməsi işləri aparılıb. Bu haqda 13 yanvar tarixində Mənzil Kommunal Təsərrüfatı İstehsalat Birliyinə (MKTİB) istinadən məlumat veririk.
Havanın qarlı və şaxtalı keçməsi ilə əlaqədar olaraq, Gəncə şəhər MKTİB-nin canlı qüvvə və texnikaları vasitəsilə səhər saatlarından başlayaraq qardan təmizlənmə işləri aparılıb. Qurumun anbarlarına tədarük olunan qum və duzdan istifadə olunmaqla şəhərin bütün yolları və piyada səkiləri buzdan operativ şəkildə təmizlənib. Görülən tədbirlər nəticəsində nəqliyyat vasitələrinin və piyadaların təhlükəsiz hərəkəti təmin edilib.
