Daha bir neçə sinfin bütün şagirdləri ali məktəblərə daxil olublar.
Gəncə-Daşkəsən Regional Təhsil İdarəsinin məlumatına əsasən, Gəncənin daha 2 məktəbinin 4 sinifi üzrə bütün məzunlar təhsillərini universitetlərdə davam etdirəcəklər.
Söhbət Gəncə şəhər M.Mehdizadə adına 4 nömrəli xarici dillər təmayüllü məktəb liseyin 11v və 11d, M.C.Paşayev adına 39 nömrəli tam orta məktəbin 11a və 11b sinflərindən gedir.
Adıçəkilən qurumun yerli idarəsi tərəfindən bütün məzunlar təbrik edilib və uğurlar arzulanıb.
Xatırladaq ki, M.Hadi adına 10 nömrəli tam orta məktəb məzunlarının oxşar nailiyyəti əldə etdikləri barədə məlumat vermişdik.
