Gəncədə iyunda baş verən cinayət işi üzrə istintaq yekunlaşıb. Bu barədə 3 yanvar tarixində Milli.Az-a istinadən məlumat veririk.
Gəncə şəhərində 37 yaşlı Sənan həyat yoldaşı Cəmiləni (adlar şərti) öldürüb. Sənan Cəmilənin ona xəyanət etməsindən şübhələnib. 4 iyun 2022-ci ildə Sənan arvadını söhbət etmək üçün zirzəmiyə aparıb. Orada Cəmiləyə müxtəlif kişilərlə ona xəyanət etdiyini söyləyib. Cəmilə iddialara etiraz etmədiyi üçün, Sənan bunu xəyanətin təsdiqi kimi qəbul edib. O, zirzəmidə gizlətdiyi bıçağı götürərək arvadına 6 dəfə xəsarət yetirib. Cəmilə hadisə yerində ölüb.
Sənan 10 il 6 ay müddətinə azadlıqdan məhrum edilib. O cəzasını ciddi rejimli cəzaçəkmə müəssisəsində çəkəcək.
