Gəncə və ətraf rayonlarda tarixi çəkilişlər aparılır.
Gencexeber.az AZ TV-yə istinadən məlumat verir ki, ölkəmizdə ilk dəfə tarixi bədii filmlər silsiləsinin çəkilişlərinə start verilib. Ekran əsərində XII-XIII əsrlərdə Azərbaycan Atabəylərinin qurduğu nəhəng dövlətdən bəhs edilir. Filmdə bədii səhnələrdən, qrafik təsvirlərdən, dekorlardan istifadə etməklə müxtəlif dövrləri əhatə edən strateji döyüşlər ekrana gətiriləcək.
Çəkilişlər Gəncə, Göygöl və Tovuz rayonlarında aparılır. Bunun üçün minlərlə müxtəlif aksesuar və rekvizitlər hazırlanıb. Çəkilişlərə 50-yə yaxın xüsusi təlim görmüş at cəlb olunub. Filmdə Zabit Səmədov, Mehriban Zəki, İlqar Mehdi, Günay Əhməd, Bəhruz Vagif oğlu, Türkan Cəfərli, Jalə Həsənli və digərləri rol alırlar.
50-65 dəqiqəlik filmlər Milli Elmlər Akademiyasının Tarix İnstitutu, müstəqil araşdırmaçılar və peşəkar hərbi ekspertlərin iştirakı ilə hazırlanır. Şanlı tariximizin parçası olan “Azərbaycan Atabəyləri”nin çəkiliş heyyətində ölkəmizdə və qardaş Türkiyədə fəaliyyət göstərən peşəkar titullu işçilər yer alırlar.
Qeyd edək ki, layihə AZ TV-yə məxsusudur. Tarixi sənədli bədii filmlər silsiləsinin çəkilişləri başa çatdıqdan sonra 44 bölümlük tarixi seriala start veriləcək.
[modula id="63790"]
