Gəncəli alim uğura imza atıb.
Gencexeber.az-ın məlumatına əsasən, gənc alim, Elm üzrə Prezident mükafatçısı, Yaponiya Elm cəmiyyətinin, Frankfurt – Höte (Almaniya) Universitetinin və İsveç Kral Akademiyasının üzvü Elnur Həsənov növbəti dəfə dünyanın elmi bazalarında əsərlərinə ən çox istinad edilən tədqiqatçılardan biri olub.
Dünyanın nüfuzlu alimlərinin adlarının daxil edildiyi akademik National Hirsh-index platformasında onun adı Azərbaycanlı alimlərdən 40 yaşa qədər tədqiqatçılar sırasında ölkə üzrə 1-ci, ümumi elmi istiqamətlər üzrə isə AMEA sıralanmasında respublikada 2-ci yerə layiq görülüb.
Gənc alim “İstinadda rekord” diplomu ilə təltif olunub.
Qeyd edək ki, Həsənovun ABŞ, Almaniya, Yaponiya, İsveç, Böyük Britaniya, Avstriya, Kanada, Hindistan, Pakistan, Rusiya, Fransa, İtaliya və bütövlükdə dünyanın 87 ölkəsinin yüksək impakt faktorlu elmi nəşrlərində türk, ingilis, alman, fransız, italyan, rus, ispan, portuqal dillərində 400-dən artıq elmi əsər və monoqrafiyası (kitabı) çap edilib.
[modula id="64135"]
