Gəncədə futzal üzrə çempionatın qalibləri bəlli olublar. Bu haqda 30 dekabr tarixində Gənclər və İdman Baş İdarəsinə istinadən məlumat veririk.
Gənclər və İdman Baş İdarəsinin, Azərbaycan Texnologiya Universitetinin və “Telekom Basketbol” İdman Klubunun birgə təşkilatçılığı ilə keçirilən Dünya Azərbaycanlılarının Həmrəyliyi Gününə həsr olunmuş futzal üzrə şəhər çempionatının qalibləri mükafatlandırılıblar.
Yarışlar UTECA-da keçirilib. Burada 6 komanda mübarizə aparıb. I yeri Gəncə İdman Liseyi tutub. II yeri Gəncə Şəhər Baş Polis İdarəsi komandası, III yeri isə Azərbaycan Texnologiya Universitetinin tələbələri qazanıblar.
Qalib komandalar kubok, medal və diplomlarla təltif edilib, üzvlərinə “Ən yaxşı qapıçı”, “Ən yaxşı hücumçu” və “Ən yaxşı müdafiəçi” nominasiyaları üzrə mükafatlar verilib.
