“Kəpəz”in oyunçusu karyerası ilə bağlı açıqlama verib. Bu haqda 12 yanvar tarixində Report-a istinadən məlumat veririk.
Əsas komandada oynayıb baş məşqçi ilə münaqişə yaşayan Əfran İsmayılov müsahibə verib. Tərlan Əhmədov Gəncə klubuna baş məşqçi təyin olunduqdan bir müddət sonra yarımmüdafiəçi əsas komandadan uzaqlaşdırılıb.
O bildirib ki, mövsümün sonuna qədər müqaviləyə sadiq qalacaq. İsmayılov əvəzedicilərlə məşqləri davam etdirərək pulunu alacağını deyib. Həmçinin yarımmüdafiəçi mövsümün sonunda futbolçu karyerasını bitirməyi düşündüyünü qeyd edib.
“Futbol sahəsində qalacağam. Gələcəklə bağlı planlarım var. Sadəcə müqaviləm davam etdiyi üçün bunu yaya saxlamışam. Karyeramı bitirim, bu məsələyə baxacağam”, - deyə İsmayılov bildirib.
