Gəncə şəhərində FHN-in əməkdaşları arasında baş verən silahlı insidentlə bağlı bəzi məqamlar üzə çıxıb. Bu haqda 11 iyun tarixində Qafqazinfo.az-a istinadən xəbər veririk.
Dünən Fövqəladə Hallar Nazirliyinin iki əməkdaşının mübahisəsinin qanla bitməsi barədə xəbər vermişdik. 30 yaşlı Zahid Sarıyev aralarında yaranmış mübahisə zamanı iş yoldaşı, 26 yaşlı Mehrac Əsədova odlu silahdan atəş açaraq onu öldürməkdə şübhəli bilinir.
Dünyasını dəyişən 26 yaşlı Mehrac Əsədov Samux rayonunun Qovlarsarı kənd sakinidir və ailəli olub. Odlu silahdan atəş açaraq hadisəni törətməkdə şübhəli bilinən 30 yaşlı Zahid Sarıyev isə Gəncə şəhər sakinidir.
Faktla bağlı Gəncə şəhər prokurorluğunda Cinayət Məcəlləsinin qəsdən adam öldürmə maddəsi ilə cinayət işi başlanaraq ibtidai istintaq aparılır.
