Gənclər və idman naziri Gəncə şəhər stadionunun durumu ilə maraqlanıb. Bu haqda 31 yanvar tarixində Report-a istinadən məlumat veririk.
Nazir Fərid Qayıbov "Kəpəz" klubunun idarə heyətinin sədri İlqar Nadiri və millət vəkili Müşfiq Cəfərovla görüşüb. Burada arena barədə nazirə informasiya verilib.
Görüşdə klubun vəziyyəti, əsas komandanın çıxışı müzakirə mövzusu olub. Nadiri həyata keçirilən infrastruktur layihələr çərçivəsində aparılan son işlərlə bağlı məlumat verib. Futbol akademiyasının inşasının yaxın müddətdə yekunlaşacağı, arenanın ərazisində salınan köməkçi meydanların yazdan sonra komandaların ixtiyarına veriləcəyi bildirilib.
Görüşün sonunda komandanın forması nazirə hədiyyə edilib. Fərid Qayıbov “Kəpəz”in forması ilə iş otağını bəzəyəcəyini deyib.
