Ermənistan silahlı qüvvələrinin 2022-ci il sentyabrın 12-dən başlayaraq 14-dək davam edən genişmiqyaslı təxribatın qarşısının alınması zamanı şəhid olan hərbçilərimizin vəfatından dörd il ötür.
Gencexeber.az məlumat verir ki, həmin döyüşlərdə həyatını itirən hərbçilər arasında Gəncə şəhərindən olan gizir Asiman İmamverdiyev və əsgər Nihat Nicat oğlu Verdiyev də yer alır.
Asiman İmamverdiyev 1988-ci il avqustun 2-də Gəncə şəhərində anadan olub. O, Gəncə şəhəri 8 nömrəli tam orta məktəbi bitirib. Azərbaycan Ordusunda gizir kimi xidmət edən Asiman Ermənistan silahlı qüvvələrinin törətdiyi təxribatın qarşısının alınması zamanı 2022-ci il sentyabrın 13-də şəhid olub. O, Gəncə Şəhidlər Xiyabanında dəfn edilib.
Nihat Nicat oğlu Verdiyev isə 19 dekabr 2003-cü ildə Daşkəsən rayonunun Qaraqollar kəndində anadan olub. Gəncədə yerləşən Kəlbəcər rayon 98 saylı tam orta məktəbi bitirib.
Azərbaycan Ordusunun əsgəri Nihat Verdiyev düşmən hücumunun qarşısını alarkən 2022-ci il sentyabrın 13-də şəhid olub. Gənc qəhrəmanımız Gəncə Şəhidlər Xiyabanında torpağa tapşırılıb.
Şəhidlərimizin əziz xatirəsi ehtiramla yad edirik…
