Azərbaycanda uzunömürlü insanların statistikası aparılıb.
1 yanvar 2024-cü il tarixinə olan məlumata görə, ölkədə 19 423 nəfər yaşı 90-dan çox olan vətəndaş qeydiyyatda olub. Onların iqtisadi rayonlar üzrə say bölgüsü paylaşılıb.
Siyahıda Qazax-Tovuz və Gəncə-Daşkəsən iqtisadi rayonları ilk onluqda yer alıblar.
Statistikaya əsasən, Qazax-Tovuz iqtisadi rayonunda 1 873, Gəncə-Daşkəsən iqtisadi rayonu isə 1 070 nəfər vətəndaşın 90-dan çox yaşı var. Bu göstəriciyə görə, rayonlar müvafiq olaraq 2 və 9-cu pillələrdə qərarlaşıblar.
Qeyd edək ki, ilk yeri 4 553 nəfərlə Bakı şəhəri tutur.
