Gəncədə fəaliyyət göstərən "Gəncə Bazar Ticarət Mərkəzi" hərraca çıxarılıb.
20 hektar ərazidə yerləşən obyektin ilkin bazar qiyməti 18 milyon 400 min manat təşkil edir.
Məşhur bazarın satılması ilə bağlı ilk hərrac avqustun 11-də baş tutacaq. Bazarın minimum satış qiyməti 15 milyon 640 min AZN-dir.
Qeyd edək ki, sözügedən bazar yerli əhali arasında Gəncənin sabiq icra başçısı Elmar Vəliyevə məxsus olması ilə tanınır. İddialara görə, bazarın hərraca çıxarılmasına səbəb illər öncə bankdan götürülən milyonlarla kreditin ödənilməməsidir. Məhkəmə bu səbəbdən "Gəncə Bazar Ticarət Mərkəzi"nin hərrac yolu ilə satılmasına, dəymiş ziyanın ödənilməsinə dair qətnamə çıxarıb.
Xatırladaq ki, Elmar Vəliyev Gəncənin icra başçısı vəzifəsindən 2018-ci ildə azad olunub.
Mənbə: xitab24.аz
