Gəncəli idmançı beynəlxalq turnirə qatılıb. Bu haqda 9 may tarixində Güləş Federasiyasına istinadən məlumat veririk.
Türkiyənin İstanbul şəhərində Paris-2024 Yay Olimpiya Oyunlarına lisenziya xarakteri daşıyan son yarışın püşkatma mərasimi baş tutub. Burada millimizin hər bir üzvünün rəqibi məlum olub.
Ölkəmizi təmsil edənlər arasında Nizami yurdunun yetirməsi Gültəkin Şirinova da yer alır. Güləşçimiz 53 kiloqram çəki dərəcəsində mübarizə aparır. Onun ilk rəqibi kubalı Laura Avila seçilib.
Qeyd edək ki, turnir 12 may tarixinədək davam edəcək.
