Gəncədə komitə sədri vətəndaşları qəbul edib. Bu haqda 14 dekabr tarixində Dini Qurumlarla İş üzrə Dövlət Komitəsinə istinadən məlumat veririk.
Dini Qurumlarla İş üzrə Dövlət Komitəsinin sədri Mübariz Qurbanlı Gəncəyə səfər edib. O, Gəncə şəhər, Naftalan, Goranboy, Samux, Göygöl, Daşkəsən, Kəlbəcər, Xocalı rayonlarının sakinlərinin qəbulunu keçirib. Vətəndaşların ərizələri qəbul edilib. Müraciətlərin həlli üçün müvafiq tapşırıqlar verilib.
