Gəncəli idmançılar ölkə çempionatında mübarizə aparıblar. Bu haqda 27 sentyabr tarixində Regional Gənclər və İdman İdarəsinə istinadən xəbər veririk.
Bakıdakı Əl Oyunları Sarayında Kikboksinq üzrə XXVII Azərbaycan çempionatı və birinciliyi keçirilib. İdmançılarımız müxtəlif çəki dərəcələrində güclərini sınayıblar. Onların nailiyyətləri aşağıdakılardır :
- Vüqar Məmmədzadə 69 kiloqram çəki dərəcəsində l yer;
- Murad İbrahimov 30 kiloqram çəki dərəcəsində ll yer;
- Nurlan Rzazadə 37 kiloqram çəki dərəcəsində ll yer;
- Mayıl Hüseynov 47 kiloqram çəki dərəcəsində ll yer;
- Aslan Quliyev 42 kiloqram çəki dərəcəsində lll yer.
Çempionatda əməkdar məşqçi İlqar Alıyev, Kikboksinq Federasiyasının fəxri prezidenti Adil Əliyev, Gənclər və İdman Nazirliyinin İdman şöbəsinin müdiri Elnur Məmmədov və Azərbaycan Kikboksinq Federasiyasının Prezidenti Orxan Əliyev iştirak ediblər.
Xatırladaq ki, daha öncə Eltun Hümbətov və Məhəmməd Alıyevin nailiyyətləri haqda xəbər vermişdik.
