Süni intellekt olan ChatGPT qısa müddət ərzində bir çoxları üçün rahat və əvəzolunmaz məsləhətçiyə çevrilib.
Gencexeber.az məlumat verir ki, bəziləri ondan müxtəlif mövzularda məsləhətlər alır, digərləri isə sadəcə əylənmək üçün onunla ünsiyyət qurur.
Lakin ekspertlər xəbərdarlıq edirlər — müəyyən mövzular və məlumatlar var ki, ChatGPT-yə bildirilməməlidir. Çünki bu, şəxsi məlumatların açıqlanması riskini yarada bilər.
ChatGPT-yə aşağıdakı şəxsi məlumatları vermək tövsiyə edilmir:
– Pasport məlumatları, VÖEN (vergi ödəyicisinin eyniləşdirmə nömrəsi), yaşayış ünvanı;
– Cari yeriniz və hərəkət istiqamətiniz;
– Ailə üzvləriniz, uşaqlarınız, iş yeriniz, istirahət etdiyiniz məkanlar və şəxsi həyatınızla bağlı digər detallı məlumatlar;
– Telefon nömrəniz və e-poçt ünvanınız;
– Sosial şəbəkə hesablarınızın, e-poçtların, bank xidmətlərinin və digər hesabların şifrələri;
– İki faktorlu autentifikasiya kodları və ya giriş üçün istifadə olunan başqa təhlükəsizlik məlumatları;
– Bank kartlarının nömrələri;
– Hesab nömrələri;
– CVV kodları və digər ödəniş məlumatları;
– Şirkətin daxili sənədləri;
– İş hesabatları;
– Müştəri bazaları;
– Layihə planları və məxfi yazışmalar;
– Tibbi məlumatlar;
– Pornoqrafik, erotik və ya seksual xarakterli yazılar;
– Şiddətə, nifrətə və ya diskriminasiyaya çağırışlar;
– Təhqiramiz və etik normalara zidd ifadələr;
– Şəxsi hiss və yaşantılar.
